Ծրագրեր

Տեղական նախաձեռնությունների կանադական հիմնադրամի աջակցությամբ Հայաստանի հյուսիսային երեք մարզերը (Լոռի, Տավուշ, Շիրակ) ներկայացնող 21 երիտասարդ կմասնակցի լրագրության եւ քաղլրագրության, տեսա-լուսանկարահանման երկու չորսօրյա դասընթացի, որոնք կկայանան այս տարվա նոյեմբերին եւ դեկտեմբերին՝ համապատասխանաբար Գյումրիում եւ Դիլիջանում։

«Խաղաղության երկխոսություն» հասարակական կազմակերպությունը որպես գործընկեր է ներգրավվել «Հարավային Կովկասում կանանց հիմնախնդիրներով զբաղվող ցանցի կարողությունների զարգացում» նախաձեռնությունում։

Գալինա Հարությունյանի որդին` ղարաբաղյան պատերազմի մասնակից, ենթասպա Կամո Սարգսյանը, անհետացել է մարտի դաշտից: 1994 թվականի ապրիլից համարվում է անհայտ կորած:

Լեռնային Ղարաբաղի հակամարտության ընթացքում ոչ այնքան վաղ անցյալի բռնությունների արդյունքում մնացած ժառանգության շուրջ կառուցողական հասարակական քննարկումների պակաս կա։ Հակամարտության մեջ ներգրավված հասարակություններում ընդունված հիմնական պատմական գծերն այդ պատմության այլընտրանքային տարբերակների, «ճշմարտության» բազմազանության համար շատ քիչ տեղ են թողնում։

Նախագծի շրջանակներում «ԽԵ»-ն ձգտելու է վերհանել ոլորտը կարգավորող գործող ներպետական օրենսդրության բացերը քաղաքացիների խոշտանգումներից զերծ մնալու իրավունքի պաշտպանության տեսանկյունից եւ բացահայտել գոյություն ունեցող իրավական ակտերի անհամապատասխանությունը ՀՀ կողմից վավերացրած միջազգային փաստաթղթերի եւ ոլորտում ներգրավված միջազգային կառույցների կողմից ներկայացված առաջարկների հետ։

Գերմանիան, Ֆրանսիան, Թուրքիան և Հայաստանը ներկայացնող 18-25 տարեկան 24 երիտասարդ Վանաձորում և Երևանում օգոստոսի 20-ից մասնակցում է չորս երկրների փոխանակման ծրագրի երկրորդ մասին, որն սկիզբ է առել 2017 թվականի նոյեմբերին՝ Մարսել քաղաքում։