Իրականացված ծրագրեր
ՀԱԿԱՄԱՐՏՈՒԹՅՈՒՆՆԵՐԻ ԿԱՐԳԱՎՈՐՄԱՆ ԱՅԼԸՆՏՐԱՆՔԱՅԻՆ ՄԵԽԱՆԻԶՄՆԵՐ ԵՐԻՏԱՍԱՐԴՆԵՐԻ ՀԱՄԱՐ
«Խաղաղության երկխոսություն» հասարակական կազմակերպությունը 2022թ․-ի հունիսին սկսել է «Հակամարտությունների կարգավորման այլընտրանքային մեխանիզմներ» ծրագրի իրականացումը։ Այս նախաձեռնությունը նպատակ ունի զարգացնել հակամարտությունների լուծման հմտությունները Հայաստանի տարբեր համայնքները ներկայացնող 18-30 տարեկան երիտասարդների շրջանում:
ՀԱՅԱՍՏԱՆԻ ՊԱՇՏՊԱՆԱԿԱՆ ՈԼՈՐՏՈՒՄ ՄԱՐԴՈՒ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆՆ ՈՒՂՂՎԱԾ ՊԵՏԱԿԱՆ ՔԱՂԱՔԱԿԱՆՈՒԹՅԱՆ ՄՇԱԿՄԱՆ և ԻՐԱԿԱՆԱՑՄԱՆ ԳՈՐԾՈՒՄ ՔԱՂԱՔԱՑԻԱԿԱՆ ՀԱՍԱՐԱԿՈՒԹՅԱՆ ՄԱՍՆԱԿՑՈՒԹՅԱՆ ԽԹԱՆՈՒՄ
«Խաղաղության երկխոսությունը» կշարունակի 2020-2022թթ. ՄԻՊ ռազմավարությունից բխող գործողությունների ծրագրի մշտադիտարկումը։
ԼԵՌՆԱՅԻՆ ՂԱՐԱԲԱՂ. ՓԱՍՏԱԳՐԵԼՈՎ ՊԱՏԵՐԱԶՄԻ ՄԱՐԴԿԱՅԻՆ ԳԻՆԸ
«Խաղաղության երկխոսություն» հկ-ն «Լեռնային Ղարաբաղ. փաստագրելով պատերազմի մարդկային գինը» ծրագրի շրջանակներում swisspeace կազմակերպության մասնագետների ներգրավմամբ իրականացնում է պատերազմի իրադարձությունները պարզաբանող նյութերի հավաքագրում՝ հիմնվելով «Հաշտեցման ռեսուրսներ» հկ-ի հետ համագործակցությամբ մշակված մեթոդաբանության վրա: 2021 թվականի հունվարի 1-ից մինչև հունիսի 30-ն ընթացող ծրագրի փորձնական փուլն ամփոփում է 2020թ. սեպտեմբերի 27-ից նոյեմբերի 9-ն ընկած ժամանակահատվածում ռազմական գործողությունների իրականացման և ազդեցության վերաբերյալ փաստագրումը:
«ԲԱՑ ՊԱՏՄՈՒԹՅՈՒՆՆԵՐ» ՆԱԽԱՁԵՌՆՈՒԹՅՈՒՆ
«Խաղաղության երկխոսություն» հասարակական կազմակերպությունը 2020 թվականի հունվարից իրականացնում է «Բաց պատմություններ» խորագրով նախաձեռնությունը: Ծրագրի նպատակն է նպաստել Լեռնային Ղարաբաղի հակամարտության անցյալի, ներկայի և ապագայի վերաբերյալ հանրային բանավեճի ձևավորմանը հակամարտությունում ներգրավված հասարակություններում: Երկարաժամկետ տեսանկյունից նախաձեռնությունն ուղղված է 44-օրյա պատերազմից հետո ապագայի իրատեսական տեսլականի ձևավորմանը, անցյալի և ներկայի դասերի, հակամարտության սոցիալական, տնտեսական, քաղաքական ազդեցության, ինչպես նաև ազգային, գենդերային, կրոնական և այլ ինքնությունների ձևավորման հետ կապված խնդիրների քննադատական ու ինքնաքննադատական վերլուծության հիման վրա:
ՔԱՂԱՔԱՑԻԱԿԱՆ ՀԱՍԱՐԱԿՈՒԹՅԱՆ ԴԵՐԻ ԲԱՐՁՐԱՑՈՒՄԸ ԶՈՒ-ՈՒՄ ՄԱՐԴՈՒ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ ՈԼՈՐՏՈՒՄ
2020թ. հունիսին «Խաղաղության երկխոսություն» հկ-ն (ԽԵ) սկսել է «Քաղաքացիական հասարակության ներուժի զարգացումը Մարդու իրավունքների պաշտպանության ազգային ռազմավարությունից բխող գործողությունների ծրագրի (ՄԻՊԳԾ) շրջանակներում ՀՀ պաշտպանության նախարարության (ՊՆ) գործողությունների արդյունավետ մշտադիտարկման նպատակով» ծրագրի իրականացումը: Այս նախաձեռնությամբ կազմակերպությունը ձգտում է բարձրացնել քաղաքացիական հասարակության դերն ու նշանակությունը զինված ուժերում մարդու իրավունքների պաշտպանության ոլորտում մշակվող պետական քաղաքականության եւ դրա իրագործման գործընթացներում:
