Գործունեություն

«Խաղաղության երկխոսություն» հասարակական կազմակերպությունը հայտարարում է 2022 թվականի ամառային զորակոչի անցկացման ընթացքում զորակոչիկների իրավունքների պաշտպանությանն աջակցելու պատրաստակամության մասին։

Ապրիլի 16-23-ին Բեռլինում կայացավ «Լրագրությունն առանց սահմանների» մշակութային փոխանակման ծրագրի հերթական փուլը։ Ծրագիրը 2020թ.-ից ի վեր հակահամաճարակային նկատառումներով անց էր կացվում առցանց տարբերակով, և 2022թ.-ի այս միջոցառումը հանդիսանում է առաջին կենդանի շփմամբ փոխանակումը։ Հանդիպմանը ներկա էին Հայաստանը, Գերմանիան և Ֆրանսիան ներայացնող ութական մասնակիցներ, ովքեր հիմանականում դպրոցականներ են և ակտիվորեն մասնակցում են համայնքային կյանքին։

«Խաղաղության երկխոսություն» հասարակական կազմակերպության ղեկավար Էդգար Խաչատրյանը մասնակցեց 2022 թվականի ապրիլի 25-28-ին Ժնևում կայացած «Անվտանգության ոլորտի կառավարումը և բարեփոխումը. անվտանգության ոլորտի գործուն վերահսկողության ապահովումը» խորագրով միջոցառմանը, որն իրականացվեց Անվտանգության ոլորտի կառավարման ժնևյան կենտրոնի` «DCAF» կողմից:

Միջոցառմանը մասնակցում էին 15-18 տարեկան 14 երիտասարդներ սահմանամերձ Սյունիքի, Տավուշի, Գեղարքունիքի, ինչպես նաև Լոռու մարզերի տարբեր համայնքներից և Երևան քաղաքից։ Քննարկման նպատակն էր հնարավորություն ընձեռել մասնակիցներին իրենց հասակակիցների հետ քննարկելու տարածաշրջանի պատմության վերաբերյալ իրենց ընկալումները, ինչպես նաև տեղի ունեցած և այժմ ընթացող իրադարձություններին առնչվող իրենց անձնական և հավաքական հիշողություններն ու դրանք մյուսներին փոխանցելու ուղիները։

2021 թվականի հոկտեմբերի 23-24-ին Ծաղկաձորում կայացավ «Պաշտպանական ոլորտում ՀՀ մարդու իրավունքների պաշտպանության ռազմավարությունից բխող 2020-2022 թթ. գործողությունների ծրագրի իրականացման առկա խնդիրները և դրանց լուծման ուղիները» խորագիրը կրող հանրային քննարկում: Միջոցառումն իրականացվեց «Խաղաղության երկխոսություն» հասարակական կազմակերպության կողմից՝ ՀՀ արդարադատության և ՀՀ պաշտպանության նախարարությունների հետ համագործակցությամբ: