Գործունեություն

Կազմակերպության հարցմանն ի պատասխան, օգոստոսի 11-ին ստացված գրությունում ՀՀ ՊՆ աշխատակազմի ղեկավարը նշում է. «Պետական եւ ծառայողական գաղտնիքի մասին» ՀՀ օրենքի 9-րդ եւ 12-րդ հոդվածների, ինչպես նաեւ ՀՀ Կառավարության՝ 1998 թ.-ի մարտի 13-ի թիվ 173 և 1998 թ.-ի հոկտեմբերի 29-ի թիվ 665 որոշումների համաձայն, կազմակերպության կողմից հայցվող բոլոր հարցերի պատասխանները եւ պահանջվող իրավական ակտերը պարունակում են պետական և ծառայողական գաղտնիք։

«Խաղաղության երկխոսություն» հասարակական կազմակերպության կողմից նախաձեռնված խաղաղության եւ արվեստի ամառային դպրոցում տարբեր երկրներից ժամանած մասնակիցները հուլիսի 7-16-ը փորձեցին պարզել, թե արվեստն ինչպես կարող է մարդկանց մոբիլիզացնել խաղաղության համար։ «ԱՐԵՆԱ. Խաղաղության և արվեստի ամառային դպրոցն» առաջին անգամ կազմակերպվեց այս տարի՝ Վրաստանի Բորժոմի քաղաքում։

Մարդիկ շատ հաճախ զայրանում են, հարցնում, ո՞ւր էիք դուք մինչ կոնֆլիկտը, ինչի մինչեւ այդ չէիք անում ձեր այս դասընթացները։ Ես միշտ պատասխանում եմ, որ մենք ոչ թե այս կոնֆլիկտից հետո, այլ ապագա կոնֆլիկտից առաջ ենք անում մեր աշխատանքը։ Այն, ինչ մենք ասում ենք այլ մարդկանց, դա ոչ մի նշանակություն չունի, ոչ մի ազդեցություն չի ունենում նրանց վրա։

«Խաղաղության երկխոսությունն» իր www.safesoldiers.am կայքի տվյալների բազայի համալրման գործում վերջին տարիների ընթացքում համագործակցելով այլ հասարակական կազմակերպությունների, անհատների հետ, նաեւ մամուլից ստացած տեղեկատվության հիման վրա մուտքագրել է 1994թ.-ից մինչ օրս զինված ուժերում գրանցված մահվան ելքով արդեն 810 դեպք:

2016թ.-ի մարտի 17-ին «Խաղաղասեր կանանց գործակալություն» ծրագրի շրջանակներում «Խաղաղության երկխոսությունն» իրականացրեց աշխատանքային քննարկում, որին ներկա էին դրամաշնորհի շրջանակներում ծրագրեր իրականացրած մասնակիցները Հայաստանից և Լեռնային Ղարաբաղից։