Հրապարակումներ

Հայաստանի Հարապետության զինված ուժեր (ԶՈւ) զորակոչի ընթացքում մարդու իրավունքների իրավիճակը, ինչպես նաև զինվորական ծառայության մասին զորակոչիկների ընկալումներն ուսումնասիրելու նպատակով, «Խաղաղության երկխոսություն» հասարակական կազմակերպության նախաձեռնությամբ ստեղծվել է ՀՀ տարբեր մարզերի իրավապաշտպաններից բաղկացած մշտադիտարկող խումբ։ Մշտադիտարկող խումբը 2023թ. հունիսի 26-ից հուլիսի 31-ն ընկած ժամանակահատվածում՝ ամառային զորակոչի ընթացքում, հարցումներ է անցկացրել պարտադիր ժամկետային զինվորական ծառայության զորակոչի գործընթացին ենթակա քաղաքացիների շրջանում։

Սույն զեկույցում ներկայացված են միջազգային իրավական ակտերը, որոնցով անհրաժեշտ է ղեկավարվել նախկին ռազմագերիների վերաբերյալ իրավակարգավորումներ սահմանելիս, ինչպես նաև նրանց իրավունքներն ապահովելու համար օրենքները կիրառելիս: Ուսումնասիրվել է նախկին ռազմագերիների իրավունքների պաշտպանության մեխանիզմների և դրանց կիրառման վերաբերյալ միջազգային փորձը։

Փաստաթղթում ամփոփվել և վերլուծվել են կազմակերպության նախաձեռնությամբ ձևավորված մոնիթորինգային խմբի մշտադիտարկման արդյունքները՝ հաշվի առնելով միջազգային կառույցների զեկույցներում, ակտերում և վճիռներում վերհանված խնդիրներն ու առաջարկությունները, ինչպես նաև 2020-2022թ. ընթացքում ծառացած հավելյալ մարտահրավերները։

«Խաղաղության երկխոսությունը» դեռևս հավատացած է, որ հնարավոր է ստեղծել խաղաղ և ժողովրդավար հասարակություն: Ուստի, կազմակերպությունը չի դադարում հավատարիմ մնալ մարդու իրավունքների պաշտպանության ամրապնդման առաքելությանը` խթանելով հակամարտություններից տուժած և հետհակամարտող հասարակություններում տեղական և միջազգային մակարդակով բազմաշերտ երկխոսության հաստատմանը, ինչպես նաև կերտելով ժողովրդավարություն և ժողովրդավարական կառույցներ: 

Ձեր ուշադրությանն ենք ներկայացնում «Ութ պարզ գործիք բարդ հակամարտությունները վերլուծելու համար» մեթոդաբանական ձեռնարկը: Այն մշակվել է «Խաղաղության երկխոսություն» հասարակական կազմակերպության կողմից՝ «Հակամարտությունների կարգավորման այլընտրանքային մեխանիզմներ» դասընթացների շարքի ժամանակ օգտագործված մեթոդաբանության հիման վրա: Ակնկալվում է, որ թեմայով հետաքրքրված և կոնֆլիկտաբանության մեջ իրենց առաջին քայլերն անող երիտասարդները կարող են ինքնուրույն օգտագործել այն իրենց հասակակիցների շրջանում նմանատիպ դասընթացներ կազմակերպելու և իրականացնելու համար: