Ծրագրեր

Գերմանիան, Ֆրանսիան, Թուրքիան և Հայաստանը ներկայացնող 18-25 տարեկան 24 երիտասարդ Վանաձորում և Երևանում օգոստոսի 20-ից մասնակցում է չորս երկրների փոխանակման ծրագրի երկրորդ մասին, որն սկիզբ է առել 2017 թվականի նոյեմբերին՝ Մարսել քաղաքում։

2018 թ. սեպտեմբերին «Խաղաղության երկխոսություն» հասարակական կազմակերպությունը կձեռնարկի «Ակտիվ քաղաքացիական հասարակության մասնակցությունը ՀՀ զինված ուժերում մարդու իրավունքների պաշտպանության և խթանման գործում» խորագրով նախաձեռնությունը:

«Խաղաղության երկխոսություն» ՀԿ-ն սեպտեմբերի 26-ին ամփոփեց առաջնորդությանն ու նախաձեռնողականությանն ուղղված «Մեր հարթակը» եռամսյա երիտասարդական ծրագիրը, որի 10 հանդիպումներում ներգրաված են եղել Լոռու մարզի շուրջ 27 երիտասարդ։

«Խաղաղության երկխոսությունն» սկսում է իր նոր՝ «Նախազորակոչային տարիքի երիտասարդների իրազեկում ԶՈւ-ում մարդու իրավունքների թեմայի շուրջ» ծրագիրն՝ ուղղված նախազորակոչային տարիքի երիտասարդների իրազեկության մակարդակի բարձրացմանը զինված ուժերում մարդու իրավունքների պաշտպանության մեխանիզմների վերաբերյալ։

«ԱՐԵՆԱ. Համայնքային թատրոն եւ հանրային արվեստ» եռամյա ծրագիրն ուղղված է տարածաշրջանային եւ համայնքային մակարդակներում խաղաղասիրական նախաձեռնությունների ազդեցությունը բարելավելուն՝ համապատասխան ներգործուն ռազմավարությունների մշակման եւ ՌԴ-ի տարբեր տարածաշրջանները, Ուկրաինան եւ Հարավային Կովկասը (Վրաստան, Ադրբեջան, Հայաստան) ներկայացնող քաղաքացիական հասարակության խմբերի միջեւ ցանցի ձեւավորման միջոցով։