«Խաղաղության երկխոսության» հայտարարությունները

2017 թ.-ի մարտի 7-ին՝ ժամը 15:30, ՀՀ վարչական դատարանում տեղի կունենա ՀՀ պաշտպանության նախարարին տեղեկատվություն տրամադրել պարտավորեցնելու պահանջով «Խաղաղության երկխոսություն» (ԽԵ) հասարակական կազմակերպության հայցի քննությունը:

ԵԱՀԿ երևանյան գրասենյակը Հայաստանում (այսուհետ՝ Գրասենյակ) ստեղծվել է ԵԱՀԿ Մշտական խորհրդի 1999թ. հուլիսի 22-ի որոշմամբ և սկսել է իր գործունեությունը 2000թ. փետրվարի 16-ին՝ ՀՀ Ազգային ժողովի կողմից ԵԱՀԿ-ի և ՀՀ արտաքին գործերի նախարարության միջև փոխըմբռնման հուշագիրը վավերացնելուց հետո:

Այսօր, 2016թ. – ի օգոստոսի 24 –ին, կյանքից հեռացավ ականավոր հայ իրավապաշտպան Միքայել (Միկա) Դանիելյանը։ 1997թ-ին Մ. Դանիելյանը հիմնադրեց «Հելսինկյան Ասոցիացիա» իրավապաշտպանական հասարակական կազմակերպությունը, որի աշխատանքին էլ նվիրեց իր ամբողջ ուժն ու եռանդը։

«Խաղաղության երկխոսություն» հասարակական կազմակերպությունը կոչ է անում անհապաղ դադարեցնել ոստիկանության կողմից քաղաքացիների ապօրինի ձերբակալությունները, բաժիններ բերման ենթարկելը, ծեծի ենթարկելը, մարդու իրավունքների նկատմամբ ցանկացած ոտնձգությունները, գտնել եւ պատժել կամայականություններում մեղավորներին։

Որպես քաղաքացիական հասարակության ներկայացուցիչներ, խորապես անհանգստացած ենք Վալենտինա Չերեւատենկոյի՝ ՌԴ-ում գործող ամենահայտնի հասարակական գործիչներից մեկի, նկատմամբ քրեական հետապնդում իրականացնելու ռուսական իշխանությունների փորձերից։