Գործունեություն

ՀՀ կառավարության որոշմամբ հայտարարված վարժական հավաքների ընթացքում Ձեր իրավունքների վերաբերյալ պարզաբանումներ ստանալու կամ խախտված իրավունքները վերականգնելու նպատակով կարող եք դիմել «Խաղաղության երկխոսություն» հասարակական կազմակերպությանը։ Կազմակերպության կողմից տրամադրվող իրավաբանական օգնությունն անվճար է։

Նիդերլանդների Անվտանգության հետազոտությունների եվրոպական կենտրոնի (CESS) և «Խաղաղության երկխոսություն» հկ-ի համագործակցության շրջանակներում 2023 թ. հունվարի 18-19-ին Երևանում անցկացվեց երկու փորձագիտական քննարկում:

2023 թ. հունվարի 26-27-ը «Խաղաղության երկխոսություն» հկ-ն հանդիպում անցկացրեց «Հայ-ադրբեջանական հակամարտության վերաբերյալ ժամանակակից պատմույթների և գերակշռող խոսույթների համատեղ վերլուծություն» խորագրով։ Միջոցառումը տեղի ունեցավ Վրաստանի մայրաքաղաք Թբիլիսիում Հայաստանի ու Ադրբեջանի քաղաքացիական հասարակության, փորձագիտական խմբերի ներկայացուցիչների և խաղաղասերների մասնակցությամբ։

Դասընթացների այս շարքը, որը տեղի ունեցավ հոկտեմբերի 13-ից նոյեմբերի 27-ն ընկած ժամանակահատվածում, նպատակ ուներ Հայաստանի հյուսիսային մարզերը ներկայացնող երիտասարդների շրջանում ձևավորել հակամարտությունների հետ աշխատանքի վերաբերյալ կառուցողական մոտեցում, զարգացնել հակամարտությունների կարգավորմանն ուղղված նրանց կարողություններն ու հմտությունները և օշտել վերջիններիս գործիքակազմով` առօրյայում հանդիպող կոնֆլիկտեների իրատեսական և ռացիոնալ լուծումներ գտնելու համար:

2022թ. դեկտեմբերի 6-ին և 7-ին Երևանում տեղի ունեցավ «Պաշտպանական ոլորտի արդյունավետ կառավարումը և վերահսկողությունը» թեմայով կլոր սեղան-քննարկում, որն իրականացվեց Ժնևի Անվտանգության ոլորտի կառավարման կենտրոնի (DCAF) և «Խաղաղության երկխոսություն» հկ-ի համագործակցությամբ: