Գործունեություն

2010 – 2015 թվականների ընթացքում ՀՀ զինված ուժերում եւ ԼՂ պաշտպանության բանակում արձանագրված ոչ մարտական պայմաններում գրանցված 206 միջադեպից 48-ն ինքնասպանությունների, 43-ն՝ սպանությունների հետեւանք են:

Վերջին վեց տարվա ընթացքում ոչ մարտական իրավիճակներում զինծառայողների մահվան ելքով միջադեպերի 33%-ը տեղի է ունեցել դժբախտ պատահարների հետեւանքով:

Ի պատասխան ՀՀ պաշտպանության նախարարության ինտերնետային կայքում հրապարակված, ՀՀ մարդու իրավունքների պաշտպանության ռազմավարության դրույթներից բխող գործողությունների` 2017-2019թթ. ծրագրի նախագծի մշակման համար հասարակական կազմակերպությունների կողմից առաջարկություններ ուղարկելու վերաբերյալ հայտարարության «Խաղաղության երկխոսություն» հկ-ն պաշտպանության նախարարությանն է ուղարկել իր առաջարկները:

Կազմակերպության հարցմանն ի պատասխան, օգոստոսի 11-ին ստացված գրությունում ՀՀ ՊՆ աշխատակազմի ղեկավարը նշում է. «Պետական եւ ծառայողական գաղտնիքի մասին» ՀՀ օրենքի 9-րդ եւ 12-րդ հոդվածների, ինչպես նաեւ ՀՀ Կառավարության՝ 1998 թ.-ի մարտի 13-ի թիվ 173 և 1998 թ.-ի հոկտեմբերի 29-ի թիվ 665 որոշումների համաձայն, կազմակերպության կողմից հայցվող բոլոր հարցերի պատասխանները եւ պահանջվող իրավական ակտերը պարունակում են պետական և ծառայողական գաղտնիք։

«Խաղաղության երկխոսություն» հասարակական կազմակերպության կողմից նախաձեռնված խաղաղության եւ արվեստի ամառային դպրոցում տարբեր երկրներից ժամանած մասնակիցները հուլիսի 7-16-ը փորձեցին պարզել, թե արվեստն ինչպես կարող է մարդկանց մոբիլիզացնել խաղաղության համար։ «ԱՐԵՆԱ. Խաղաղության և արվեստի ամառային դպրոցն» առաջին անգամ կազմակերպվեց այս տարի՝ Վրաստանի Բորժոմի քաղաքում։