Ուսումնասիրություններ և վերլուծություններ

Հարգելի ընթերցողներ, ձեր ուշադրությանն ենք ներկայացնում «Խաղաղության երկխոսություն» հկ-ի կողմից վերջերս հրապարակված «Մարդու իրավունքները զինված ուժերում» ուղեցույցը։ Այն գործնական գիտելիքներ է տալիս ապագա զինվորներին՝ զորակոչի եւ զինվորական ծառայության ընթացքում սեփական իրավունքները պաշտպանելու համար։ Ուղեցույցը կազմվել է տարիների ընթացքում «Խաղաղության երկխոսություն» հասարակական կազմակերպություն դիմած քաղաքացիների հարցադրումների հիման վրա:

ՀՀ զինված ուժերում մարդու իրավունքների վերաբերյալ «Խաղաղության երկխոսություն» հասարակական կազմակերպության հերթական հաշվետվությունը՝ 2018թ. ապրիլ-հունիս ամիսների համար:

ՀՀ Ազգային ժողովի չորս խմբակցություններից երեքը՝ ՀՀԿ, Ծառուկյան եւ ՀՅԴ, խուսափեցին պատասխանել «Ազգ֊բանակ» հայեցակարգի, մասնավորապես՝ դրա շրջանակներում առաջարկված եւ անցած տարվա նոյեմբերին իրենց կողմից հավանության արժանացած «Զինվորական ծառայության և զինծառայողի կարգավիճակի մասին» ՀՀ օրենքի վերաբերյալ «Խաղաղության երկխոսություն» հասարակական կազմակերպության հարցմանը՝ չնայած օրենքի պահանջին։ Ընդ որում, եթե ՀՀԿ խմբակցությունը մերժեց տեղեկատվություն տրամադրել, ապա ՀՅԴ եւ Ծառուկյան խմբակցություններն ընդհանրապես չպատասխանեցին հարցմանը։

2017 թ. ՀՈԿՏԵՄԲԵՐ – ԴԵԿՏԵՄԲԵՐ
Ներկայացնում ենք «Խաղաղության երկխոսություն» հասարակական կազմակերպության հերթական հաշվետվությունը ՀՀ զինված ուժերում մարդու իրավունքների վերաբերյալ: «ԽԵ»-ն խաղաղության կառուցման, ժողովրդավարության եւ մարդու իրավունքների ոլորտում գործող ոչ կառավարական կազմակերպություն է, որի գործունեության հիմնական ճյուղերից է զինված ուժերում մարդու իրավունքների խախտումների բացահայտումը, մեղավորներին պատասխանատվության ենթարկելուն հետամուտ լինելը, ԶՈՒ-ում առկա խնդիրների շուրջ հանրային բանավեճի ծավալումը՝ դրանց լուծման առաջարկներ մշակելու եւ իշխանություններին ներկայացնելու միջոցով այդ հիմնախնդիրների լուծմանը նպաստելու նպատակով:

Ձեռնարկը կհետաքրքրի, օգտակար կարող է լինել, առաջին հերթին, խաղաղասիրությամբ զբաղվող կազմակերպությունների աշխատակազմերի, աշխատակիցների համար, սակայն բոլոր նրանք, ովքեր հետաքրքրված են համայնքային խաղաղասիրական ակտիվիզմով, ցանկանում են այս ոլորտում սեփական նախաձեռնություններով հանդես գալ՝ կարող են ձեռնարկում ներառված օրինակները տեղայնացնել եւ համապատասխանեցնել սեփական տեղական համատեքստին։