© 2023. Աղբյուրը` Առաջին Լրատվական
Ժիրայր Ոսկանյանի հարցազրույցը «Խաղաղության երկխոսություն» հկ ղեկավար Էդգար Խաչատրյանի հետ:
Առաջին Lրատվականի հարթակում Էդգար Խաչատրյանը խոսեց ՀՀ ԶՈՒ բարեփոխումների մասին, շեշտելով, որ բանակում բարեփոխումների գործընթացներից մեկը աշխարհաքաղաքական կողմնորոշումն է:
Է. Խաչատրյանը բարձրացրեց մի շարք հարցեր, որոնց առաջին հերթին պետք է անդրադառնա իշխանությունը.
«Ինչպիսի՞ երկիր ենք ուզում ունենալ ապագայում»:
Հատկանշական է ժողովրդավար երկրում ձևակերպած տեսլական ունենալը, որպեսզի հասկանալի լինի, թե ինչպիսի զինված ուժեր ենք ուզում, հակառակ դեպքում միշտ հարց է առաջանալու`
«Ինչպիսի՞ գործողություններ են իրականացնում իշխանությունները կանխելու համար բանակում հետագա կործանարար քայլերը»:
Անդրադառնալով «Խաղաղության երկխոսություն» հկ-ի գործունեությանը, Խաչատրյանը նշեց, որ խաղաղության ճանապարհը բարդ է և փշոտ.
«Մեզ համար առաջնային է գործողություններով առաջ շարժվելը, ինչն է` պետության դերակատարների հետ հաղորդակցության ճանապարհով խաղաղ լուծումների հանգելը»:
