© 2021. ԼՈՒՍԱՆԿԱՐԸ` «ԽԱՂԱՂՈՒԹՅԱՆ ԵՐԿԽՈՍՈՒԹՅՈՒՆ» ՀԿ: ՀԵՂԻՆԱԿ՝ ԱՇՈՏ ՍԱՐԳՍՅԱՆ
«Խաղաղության երկխոսություն» հասարակական կազմակերպության նախաձեռնությամբ 2021թ. մայիսի 28-30-ին Երևանում իրականացավ 44-օրյա պատերազմից տուժած երեխաների հետ աշխատանք կատարող պրակտիկ հոգեբանների և սոցաշխատողների համար «Աշխատանք տագնապայնություն, վախեր և ֆոբիաներ ունեցող երեխաների հետ» մասնագիտական դասընթացը։
Վերապատրաստման ընթացքում Արցախից ժամանած 10 հոգեբաններ և սոցաշխատողներ ոլորտի հմուտ մասնագետ-դասընթացավարների` Նինա Մովսիսյանի և Էդգար Մանուկյանի օգնությամբ ծանոթացան պատերազմից տուժած երեխաների հոգեբանական խնդիրների բացահայտման, ինչպես նաև տարաբնույթ դիդակտիկ նյութերի, տեխնիկաների, դերային խաղերի, դեպքերի քննարկումների և ռելաքսացիոն վարժությունների միջոցով երեխաներին աջակցություն ցուցաբերելու նորագույն գործիքներին և մեթոդաբանություններին: Դասընթացավարները հնարավորություն ընձեռեցին մասնակիցներին կատարելագործելու իրենց տեսական և գործնական գիտելիքները, որոնք կիրառելի կլինեն տագնապայնություն, վախեր և ֆոբիաներ ունեցող երեխաների հետ մասնագիտական աշխատանք իրականացնելիս:
Վերապատրաստման գործընթացը կկրի շարունակական բնույթ։
Միջոցառումն իրականացվել է «Խաղաղության երկխոսություն» հասարակական կազմակերպության «Բաց պատմություններ» ծրագրի շրջանակներում «Հաշտեցման ռեսուրսներ» (Conciliation Resources) կազմակերպության հետ համագործակցությամբ՝ Եվրամիության կողմից տրամադրված ֆինանսական միջոցներով:
