© 2019. Լուսանկարը` RAYUL
«Խաղաղության երկխոսություն» հասարակական կազմակերպությունը փետրվարի 1-ից կիրականացնի ժողովրդավարական արժեքների ամրապնդմանն ուղղված մի նոր ծրագիր:
Վանաձոր քաղաքից և հարակից տարածքներից ներգրավված 18 երիտասարդ կմասնակցի «Խաղաղության երկխոսության» և նրա գործընկերների կողմից իրականացվող 3 դասընթացի, ձեռք կբերի համայնքում առկա խնդիրներն ու կարիքները վերլուծելու, սոցիալական տեսահոլովակներ պատրաստելու կարողություններ ու հմտություններ։
Ծրագրի շրջանակներում պատրաստված տեսանյութերը կօգտագործվեն համայնքային պաշտոնյաների հետ հաղորդակցվելու ընթացքում` մատնանշելու համար այն խնդիրները, որոնց շտկմանն ուղղված տեղական ինքնակառավարման մարմինը պետք է աշխատանքներ տանի: Նախագիծն, ընդհանուր առմամբ, նպատակ ունի հաղորդակցման, մարքեթինգի և վիդեոարտադրության կիրառելի հմտություններ տալ վանաձորցի երիտասարդներին` այդպիսով բարձրացնելով նրանց ներգրավվածության մակարդակը սեփական համայնքում դրական փոփոխությունների հասնելու գործում:
Ծրագիրն իրականացվում է ԱՄՆ Միջազգային զարգացման գործակալության (USAID) և Խաղաղության կորպուսի աջակցությամբ:
