Ծրագրեր

Կազմակերպությունն իր գործընկերների հետ միասին նպատակադրվել է հստակեցնել սոցիալական բազմազան խմբերի պահանջներն ու մտահոգությունները։ Ստացված տեղեկությունները էական են ոչ միայն պաշտոնական բանակցությունների պատասխանատուների իրազեկման, այլ նաև բացահայտելու այն խնդիրները, որոնք խոչընդոտում են Հայաստանի և Ադրբեջանի միջև կայուն և արժանապատիվ խաղաղության հաստատմանը։

Այս նախաձեռնությամբ կազմակերպությունը նպատակ ունի կատարել դրական փոփոխություններ՝ սահմանելով ոլորտի նկատմամբ քաղաքացիական հասարակության կայուն վերահսկողություն։

«Խաղաղության երկխոսություն» հասարակական կազմակերպությունը 2022թ․-ի հունիսին սկսել է «Հակամարտությունների կարգավորման այլընտրանքային մեխանիզմներ» ծրագրի իրականացումը։ Այս նախաձեռնությունը նպատակ ունի զարգացնել հակամարտությունների լուծման հմտությունները Հայաստանի տարբեր համայնքները ներկայացնող 18-30 տարեկան երիտասարդների շրջանում:

«Խաղաղության երկխոսությունը» կշարունակի 2020-2022թթ. ՄԻՊ ռազմավարությունից բխող գործողությունների ծրագրի մշտադիտարկումը։

«Խաղաղության երկխոսություն» հկ-ն «Լեռնային Ղարաբաղ. փաստագրելով պատերազմի մարդկային գինը» ծրագրի շրջանակներում swisspeace կազմակերպության մասնագետների ներգրավմամբ իրականացնում է պատերազմի իրադարձությունները պարզաբանող նյութերի հավաքագրում՝ հիմնվելով «Հաշտեցման ռեսուրսներ» հկ-ի հետ համագործակցությամբ մշակված մեթոդաբանության վրա: 2021 թվականի հունվարի 1-ից մինչև հունիսի 30-ն ընթացող ծրագրի փորձնական փուլն ամփոփում է 2020թ. սեպտեմբերի 27-ից նոյեմբերի 9-ն ընկած ժամանակահատվածում ռազմական գործողությունների իրականացման և ազդեցության վերաբերյալ փաստագրումը: