09 Փետրվար, 2010
ԿԿԱԶՄԱԿԵՐՊՎԵՆ ՀԱՅ-ԱԴՐԲԵՋԱՆԱԿԱՆ ՀԱՄԱՏԵՂ ՖԻԼՄԻ ՑՈՒՑԱԴՐՈՒԹՅՈՒՆ-ՔՆՆԱՐԿՈՒՄՆԵՐ
դիտումների քանակը` 416
«Խաղաղության երկխոսություն» հասարակական կազմակերպությունը նախատեսում է «Եվրասիա» համագործակցության հիմնադրամի ֆինանսավորմամբ նկարահանված հայ-ադրբեջանական համատեղ ֆիլմի ցուցադրություն-քննարկումներ կազմակերպել:
Ըստ ծրագրի մասնակից Վահագն Անտոնյանի, ղարաբաղյան պատերազմից տուժածների մասին պատմող վավերագրական ֆիլմով նրանք փորձել են ցույց տալ, թե ինչ է պատերազմը, նրա հետեւանքներն ու պատերազմական արհավիրքները՝ կոնկրետ ճակատագրերի, մարդկային պատմությունների օրինակով, հույսով, որ արդյունքում կմեղմվի Հայաստանի եւ Ադրբեջանի քաղաքացիների մոտ միմյանց նկատմամբ արմատացած թշնամու կերպարը:
Արդեն պատրաստի ֆիլմը, որում տեղ են գտել Հայաստանից եւ Ադրբեջանից երկուական հերոսների կողմից հակամարտության ընթացքում իրենց տեսածի ու ապրածի, ունեցած կորուստների ու պատերազմի մասին անցյալում եւ ներկայում ունեցած վերաբերմունքի մասին պատմությունները, նախատեսվում է ցուցադրել Հայաստանում եւ Ադրբեջանում, նպատակ ունենալով երկու երկրների հասարակությունների ուշադրությունը բեւեռել ղարաբաղյան հակամարտության արդյունքում ամենաշատը տուժածների՝ նախկին զինվորականների, վիրավորվածների, փախստականների եւ ռազմագերիների ունեցած խնդիրների, կրակի գծի երկու կողմներում առկա հիմնախնդիրների ընդհանրության վրա:
Օգոստոսի 19-ին կառավարության մի շարք ներկայացուցիչների ուղեկցությամբ պաշտոնական այցով Երեւան ժամանեց Ռուսաստանի Դաշնության նախագահ Դմիտրի Մեդվեդեւը: Այցի նպատակն էր հայ-ռուսական ռազմական համագործակցության ամրապնդումը եւ Հավաքական անվտանգության պայմանագրի կազմակերպության ոչ պաշտոնական գագաթաժողովին մասնակցությունը: 
«Խաղաղության երկխոսության» կողմից «Խաչվող ուղիներ» հկ-ում օգոստոսի 2-ին կազմակերպված կինոդիտումից հետո, «Խաղաղության երկխոսություն» հասարակական կազմակերպության անդամ Վահագն Անտոնյանի, ադրբեջանական AzTV հեռուստաընկերության աշխատակից Ասեֆ Գուլիեւի հետ համատեղ նկարահանած «Ոչ պատերազմ, ոչ խաղաղություն» ֆիլմի դիտում-քննարկում կազմակերպվեց նաեւ «Զանգակատուն» բարեգործական հիմնադրամի Վանաձորի «Զանգակ» սոցիալական ծառայությունների կենտրոնի շահառու խմբի համար: 
«Խաղաղության երկխոսություն» հասարակական կազմակերպության անդամ Վահագն Անտոնյանի, AzTV հեռուստաընկերության ռազմահայրենասիրական ծրագրերի բաժնի խմբագիր Ասեֆ Գուլիեւի հետ համատեղ նկարահանված «Ոչ պատերազմ, ոչ խաղաղություն» ֆիլմի դիտում-քննարկում կայացավ «Խաչվող ուղիներ» հասարակական կազմակերպությունում՝ օգոստոսի 2-ին: Դիտումը կազմակերպվել էր «Խաչվող ուղիներ»-ի նախաձեռնությամբ՝ հկ-ի շահառու հանդիսացող երիտասարդներից ձեւավորված առաջնորդների խմբի անդամների համար: 
Ռումինիայի Խաղաղ գործողությունների, դասընթացների եւ հետազոտությունների ինստիտուտը ճանաչվել է առաջատար կազմակերպություն խաղաղասիրական, հակամարտությունների տրանսֆորմացիայի, բռնությունների կանխման եւ հետպատերազմյան վերականգնման գործընթացներում: