28 Հունվար, 2010
«ՄԱԿ-Ի ԹԻՎ 1325 ՌԵԶՈԼՅՈՒՑԻԱՅԻ ԸՆԴՈՒՆՄԱՆ ՏԱՍՆԵՐՈՐԴ ՏԱՐԵԼԻՑԸ՝ ՄԱՐՏԱՀՐԱՎԵՐՆԵՐԸ ԵՒ ԶԱՐԳԱՑՈՒՄՆԵՐԸ» միջազգային համաժողով
դիտումների քանակը` 363
«Խաղաղության երկխոսություն» հասարակական կազմակերպությունը հրավեր է ստացել մասնակցելու այս համաժողովի աշխատանքներին, որոնք կընթանան երկու զուգահեռ ուղղություններով: Առաջինը ՄԱԿ-ի անդամ երկրներում «1325 ռեզոլյուցիայի» իրականացման վերլուծությունը եւ գնահատումն է հետեւյալ բնագավառներում.
• Հետկոնֆլիկտային տարածաշրջաններում ժողովրդավարության եւ քաղաքացիական հասարակության ձեւավորում
• Զինվորական եւ քաղաքացիական անձնակազմի վերապատրաստում ներազդեցության ենթարկվող երկրներում (intervention countries)Մյուս կողմից համաժողովը հարթակ կհանդիսանա ՄԱԿ-ի, Եվրոպայի Խորհրդի գործունեության նոր մարտավարությունների եւ քաղաքականության քննարկման եւ մշակման համար միջազգային եւ ազգային մակարդակներում:
Համաժողովը երկխոսության հնարավորություն կստեղծի Մերձավոր Արեւելքի, Բալկանյան թերակղզու, Կովկասի ու Եվրոմիության քաղաքացիական հասարակության եւ գիտնականների, պետական կառույցների, ինչպես նաեւ Գերմանիայում գործող աջակցություն ցուցաբերող կազմակերպությունների ներկայացուցիչների միջեւ: Երկխոսության արդյունքում կնախանշվեն այս ուղղությամբ տարվող գործունեության իրականացման համար գոյություն ունեցող հնարավոր եւ անհրաժեշտ ռեսուրսները:
«Խաղաղության երկխոսություն» հասարակական կազմակերպությունը համաժողովի ընթացքում կներկայացնի հակամարտությունների խաղաղ կարգավորման գործընթացներում քաղաքացիական հասարակության ներգրավման ուղղությամբ իր կողմից տարվող աշխատանքները, մասնակիցների հետ կքննարկի իր գործունեության ընթացքում հանդիպող դժվարություններն ու խնդիրները, առաջարկներ կներկայացնի այդ խոչընդոտները վերացնելու ուղիների ու տարբերակների վերաբերյալ:
Օգոստոսի 19-ին կառավարության մի շարք ներկայացուցիչների ուղեկցությամբ պաշտոնական այցով Երեւան ժամանեց Ռուսաստանի Դաշնության նախագահ Դմիտրի Մեդվեդեւը: Այցի նպատակն էր հայ-ռուսական ռազմական համագործակցության ամրապնդումը եւ Հավաքական անվտանգության պայմանագրի կազմակերպության ոչ պաշտոնական գագաթաժողովին մասնակցությունը: 
Վանաձորի «ՄԻԳ-TV» հեռուստալիքի «Մեր իրավունքները» հաղորդաշարի շրջանակներում, 2010թ. ապրիլի 14-ին կայացած, «Գենդեր եւ գենդերային իրավահավասարություն» թեմայով հերթական հաղորդման հյուրն էր նաեւ «Խաղաղության երկխոսություն» հասարակական կազմակերպության տնօրեն Էդգար Խաչատրյանը: «Գերման Մարշալ» հիմնադրամի «Սեւծովյան տարածաշրջանային համագործակցություն» ծրագրի շրջանակներում իրականացվող «Մեր իրավունքները» հաղորդաշարը նպատակ ունի բարձրացնել Վանաձոր քաղաքի բնակիչների իրավագիտակցության մակարդակը մարդու իրավունքների վերաբերյալ՝ քաղաքացիների իրազեկման միջոցով: 
ԱՄՓՈՓ ԶԵԿՈՒՅՑ «Մենք ընտրում ենք գենդերը. ՄԱԿ-ի 1325 բանաձեւի 10-ամյակը՝ հետադարձ հայացք, մարտահրավերներ եւ հեռանկարներ» միջազգային համաժողովը մարտի 24-26-ն անցկացվեց Բեռլինում: Համաժողովը նպատակ ուներ վերլուծելու բանաձեւի իրականացման ամենատարբեր փորձերը, հասկանալու հակամարտության մեջ նախկինում կամ այժմ ներգրավված տարածաշրջաններում ժողովրդավարական հասարակություն կառուցման եւ Եվրոպական Միության ներազդեցության երկրներում ռազմական ու քաղաքացիական անձնակազմերի ուսուցման գործում խաղաղասիրական գործընթացներում ներգրավված տեղական դերակատարների կարիքները: 
Ռումինիայի Խաղաղ գործողությունների, դասընթացների եւ հետազոտությունների ինստիտուտը ճանաչվել է առաջատար կազմակերպություն խաղաղասիրական, հակամարտությունների տրանսֆորմացիայի, բռնությունների կանխման եւ հետպատերազմյան վերականգնման գործընթացներում: