21 Ապրիլ, 2010
«ԳԵՆԴԵՐ ԵՒ ԳԵՆԴԵՐԱՅԻՆ ԻՐԱՎԱՀԱՎԱՍԱՐՈՒԹՅՈՒՆ» ԹԵՄԱՅՈՎ ՀԵՌՈՒՍՏԱՀԱՂՈՐԴՈՒՄ՝ «ՄԻԳ-TV»-Ի ՈՒՂԻՂ ԵԹԵՐՈՒՄ
դիտումների քանակը` 330
Վանաձորի «ՄԻԳ-TV» հեռուստալիքի «Մեր իրավունքները» հաղորդաշարի շրջանակներում, 2010թ. ապրիլի 14-ին կայացած,
«Գենդեր եւ գենդերային իրավահավասարություն» թեմայով հերթական հաղորդման հյուրն էր նաեւ «Խաղաղության երկխոսություն» հասարակական կազմակերպության տնօրեն Էդգար Խաչատրյանը: «Գերման Մարշալ» հիմնադրամի «Սեւծովյան տարածաշրջանային համագործակցություն» ծրագրի շրջանակներում իրականացվող «Մեր իրավունքները» հաղորդաշարը նպատակ ունի բարձրացնել Վանաձոր քաղաքի բնակիչների իրավագիտակցության մակարդակը մարդու իրավունքների վերաբերյալ՝ քաղաքացիների իրազեկման միջոցով:
մանրամասներ»02 Ապրիլ, 2010
«ՄԵՆՔ ԸՆՏՐՈՒՄ ԵՆՔ ԳԵՆԴԵՐԸ» ԹԵՄԱՅՈՎ ՄԻՋԱԶԳԱՅԻՆ ՀԱՄԱԺՈՂՈՎ
դիտումների քանակը` 343
ԱՄՓՈՓ ԶԵԿՈՒՅՑ «Մենք ընտրում ենք գենդերը. ՄԱԿ-ի 1325 բանաձեւի 10-ամյակը՝ հետադարձ հայացք, մարտահրավերներ եւ հեռանկարներ» միջազգային համաժողովը մարտի 24-26-ն անցկացվեց Բեռլինում: Համաժողովը նպատակ ուներ վերլուծելու բանաձեւի իրականացման ամենատարբեր փորձերը, հասկանալու հակամարտության մեջ նախկինում կամ այժմ ներգրավված տարածաշրջաններում ժողովրդավարական հասարակություն կառուցման եւ Եվրոպական Միության ներազդեցության երկրներում ռազմական ու քաղաքացիական անձնակազմերի ուսուցման գործում խաղաղասիրական գործընթացներում ներգրավված տեղական դերակատարների կարիքները:
մանրամասներ»28 Հունվար, 2010
«ՄԱԿ-Ի ԹԻՎ 1325 ՌԵԶՈԼՅՈՒՑԻԱՅԻ ԸՆԴՈՒՆՄԱՆ ՏԱՍՆԵՐՈՐԴ ՏԱՐԵԼԻՑԸ՝ ՄԱՐՏԱՀՐԱՎԵՐՆԵՐԸ ԵՒ ԶԱՐԳԱՑՈՒՄՆԵՐԸ» միջազգային համաժողով
դիտումների քանակը` 362
«Խաղաղության երկխոսություն» հասարակական կազմակերպությունը հրավեր է ստացել մասնակցելու այս համաժողովի աշխատանքներին, որոնք կընթանան երկու զուգահեռ ուղղություններով: Առաջինը ՄԱԿ-ի անդամ երկրներում «1325 ռեզոլյուցիայի» իրականացման վերլուծությունը եւ գնահատումն է հետեւյալ բնագավառներում.
մանրամասներ»
Օգոստոսի 19-ին կառավարության մի շարք ներկայացուցիչների ուղեկցությամբ պաշտոնական այցով Երեւան ժամանեց Ռուսաստանի Դաշնության նախագահ Դմիտրի Մեդվեդեւը: Այցի նպատակն էր հայ-ռուսական ռազմական համագործակցության ամրապնդումը եւ Հավաքական անվտանգության պայմանագրի կազմակերպության ոչ պաշտոնական գագաթաժողովին մասնակցությունը: 
Վանաձորցի երիտասարդներն օգոստոսի 11-ին, Վանաձորի Հովհ. Աբելյանի անվան պետական դրամատիկական թատրոնի շենքում կայացած լուսանկարչական ցուցահանդեսով եւ համերգով նշեցին Երիտասարդների միջազգային օրը: Երիտասարդների միջազգային օրն առաջին անգամ էր նման շուքով նշվում Վանաձորում, իսկ վերջին մի քանի տարվա ընթացքում, ինչպես հավաստեցին միջոցառման մասնակիցները, երիտասարդական նման ակտիվ եւ մարդաշատ միջոցառում չէր եղել. 500-ից ավելի մարդ դիտեց լուսանկարներն ու ներկա գտնվեց համերգին: 
«Խաղաղության երկխոսության» կողմից «Խաչվող ուղիներ» հկ-ում օգոստոսի 2-ին կազմակերպված կինոդիտումից հետո, «Խաղաղության երկխոսություն» հասարակական կազմակերպության անդամ Վահագն Անտոնյանի, ադրբեջանական AzTV հեռուստաընկերության աշխատակից Ասեֆ Գուլիեւի հետ համատեղ նկարահանած «Ոչ պատերազմ, ոչ խաղաղություն» ֆիլմի դիտում-քննարկում կազմակերպվեց նաեւ «Զանգակատուն» բարեգործական հիմնադրամի Վանաձորի «Զանգակ» սոցիալական ծառայությունների կենտրոնի շահառու խմբի համար: 
2010թ. մայիսի 1-2-ը Վրաստանի Քութաիսի քաղաքում «Սուխումի» հիմնադրամի կողմից անցկացվեց «Հարավային Կովկասի երիտասարդության դերը հակամարտության խաղաղ կարգավորման գործընթացում. Մասնակցության ուղիների որոնում» թեմայով առաջին դասընթացը, որի նպատակն էր միավորել Հարավային Կովկասի երիտասարդությանը՝ նրանց խաղաղասիրական գործընթացներում ակտիվորեն ներգրավելու համար: Դասընթացը կազմակերպվել եւ անց էր կացվում Օմնիբուս 1325 միջազգային խաղաղասիրական ցանցի աջակցությամբ: 
2009թ. հուլիսի 28-29 «Խաղաղության երկխոսություն» հասարակական կազմակերպությունը հյուրընկալեց իր վրացի գործընկերներին. «Գենդերային հեռանկարների ինտեգրման եւ ընտրական պրոցեսների դեմոկրատացման միջոցով Վրաստանի քաղաքական կյանքում կանանց ակտիվ մասնակցության ապահովումը» ծրագրի ջրջանակներում, երկօրյա այցով Վանաձորում էին գտնվում «Սուխումի» մշակութային - մարդասիրական հիմնադրամի ներկայացուցիչները: 
Ռումինիայի Խաղաղ գործողությունների, դասընթացների եւ հետազոտությունների ինստիտուտը ճանաչվել է առաջատար կազմակերպություն խաղաղասիրական, հակամարտությունների տրանսֆորմացիայի, բռնությունների կանխման եւ հետպատերազմյան վերականգնման գործընթացներում: