ԱՐԵՆԱ. ԽԱՂԱՂՈՒԹՅԱՆ Եւ ԱՐՎԵՍՏԻ ԱՄԱՌԱՅԻՆ ԴՊՐՈՑ

Փետրվարի 13, 2016
summer_sch_arm
Լեզուներ. անգլերեն եւ ռուսերեն
Դիմելու վերջնաժամկետը. 2016թ. ապրիլի 29, ժ. 5։00
Մեկնարկը. 2016թ. հուլիսի 7, ավարտը՝ 2016թ. հուլիսի 16
Դիմել կարող են Հայաստանի, Ադրբեջանի, Վրաստանի, Ռուսաստանի Դաշնության եւ 
Ուկրաինայի` 18 տարին լրացած քաղաքացիները

«ԱՐԵՆԱ. համայնքային թատրոն և հանրային արվեստ» եռամյա ծրագիրը մեկնարկել է 2015 թվականին: Այն նպատակ ունի բարելավել և´ տեղական, և´ տարածաշրջանային մակարդակներում խաղաղարար նախաձեռնությունների ազդեցութունը`մշակելով ստեղծագործական և արվեստի գործիքների վրա հիմնված ռազմավարություններ, որոնք արդեն փորձված են, համապատասխանում են տեղային առանձնահատկություններին, ինչպես նաև ունեն միջմշակութային ազդեցություն:

ԱՐԵՆԱՆ ցանց և ապահով հարթակ է ստեղծում քաղաքացիական հասարակության դերակատարների համար Կովկասից, Ռուսաստանի Դաշնությունից և Ուկրաինայից` նպատակ ունենալով ավելի հզորացնել քաղաքացիական հասարակության խմբերին և նրանց խրախուսել համատեղ ռազմավարությունների և մեթոդոլոգիական գործիքների մշակման գործում, որպեսզի նրանք շարունակեն իրենց գործունեությունը` առաջնորդվելով «մի վնասիր» սկզբունքով:

ԱՐԵՆԱ. Խաղաղության և Արվեստի ամառային դպրոցը կկազմակերպվի այս տարի: Այն նախատեսված է ակտիվիստների, անկախ արվեստագետների և ստեղծագործող մարդկանց համար Հայաստանից, Ադրբեջանից, Վրաստանից, Ռուսաստանից և Ուկրաինայից: Ծրագրի թիմը կիրականացնի 10-օրյա ամառային դպրոց Վրաստանում 2016 թվականի հուլիսի 7-16-ը: Ամառային դպրոցն ամբողջովին ֆինանսավորվում է ծրագրի շրջանակներում:

Նպատակներ.

  • Ամառային դպրոցը հանդիսանալու է համագործակցության, համատեղ աշխատանքի և սովորելու հարթակ և աջակցելու է քաղաքացիական հասարակության ներկայացուցիչներին, անկախ արվեստագետների և անհատների:
  • Այն հազվագյուտ հնարավություն կտա Արևելյան գործընկերության երկրների հակամարտություններից տուժած հասարակությունների ներկայացուցիչներին միասին ստեղծել գեղարվեստական աշխատանքներ, որոնք ուղղված կլինեն միլիտարիզացիայի, քարոզչության, անարդարության և քաղաքացիական հասարակության ներկայացուցիչների նկատմամբ ճնշումներին առընչվող խնդիրների դեմ, միտված՝ առավել ժողովրդավար հասարակությունների ձևավորմանը:
  • Ամառային դպրոցի արտադրանքները, ինչպես, օրինակ, պաստառները, կարճ հոլովակները, ֆիլմերը կամ թատերական ներկայացումները, որպես գործիքներ հասանելի կլինեն համայնքներին` նշված խնդիրների վերաբերյալ հանրային քննարկումների կազմակերպման համար:
  • Տարածաշրջանում գործող դոնոր կազմակերպությունները հնարավորություն կունենան հանդիպելու և անմիջանորեն շփվելու հետաքրքիր և ստեղծագործ ակտիվիստների և արվեստագետների հետ՝ ներգրավված այնպիսի դասընթացներում, որոնք կօգնեն նրանց ուսումնասիրել արվեստի օգտագործումը սոցիալական երկխոսության և փոփոխությունների հասնելու համար:

Ո՞վ կարող է մասնակցել

forumՇուրջ 35 անկախ դերակատարներ՝ արվեստագետներ, ֆիլմեր ու մուլտֆիլմեր նկարահանողներ և այլ ստեղծագործ անձինք ամբողջ տարածաշրջանից կմասնակցեն ամառային դպրոցին: Եթե դուք ստեղծագործող եք, բնակվում եք նշված երկրներից որևէ մեկում և հետաքրքրված եք խաղաղասիրությամբ կամ մարդու իրավունքներին առնչվող ակտիվիզմով, ապա ԱՐԵՆԱՆ այն վայրն է, որտեղ կարող եք հանդիպել համախոհների այլ երկրներից ու տարածաշրջաններից:

Ձեր ներգրավվածությունը ծրագրում կօգնի հզորացնել և զարգացնել առաջնորդության կարողություններ, խրախուսել ու ակտիվացնել համայնքի անդամներին, որպեսզի նրանք դառնան ավելի ակտիվ և ներգրավված քաղաքացիներ: Մասնակիցների ընտրության ընթացքում ԱՐԵՆԱ ծրագրի առաջին տարվա մասնակիցների առաջարկությունները հաշվի կառնվեն:

Մասնակիցների ընտրության չափանիշներից մեկն այն է, որ տվյալ անձինք պետք է ընդգրկված լինեն արվեստի կամ ստեղծագործական տարր պարունակող որևէ ծրագրի մեջ, ինչպես, օրինակ, թատրոն, կրեատիվ դիզայն, անիմացիա կամ ֆիլմերի պատրաստում: Մասնակիցները պետք է լինեն առնվազն 18 տարեկան, ներկայացնեն վերը նշված համայնքները: Մեր նպատակն է ունենալ գենդերային հավասարակշռված խումբ:

 Ի՞նչ կլինի ամառային դպրոցից հետո:

sum_partՄասնակիցների միջև փորձի փոխանակման ծրագրեր (երբ մի երկիրը ներկայացնող խումբը ծրագիր է կազմում ԱՐԵՆԱՅԻ մասնակից մեկ այլ երկրում իրականացնելու համար) կկազմվեն, իսկ ամենախոստումնալից, որակյալ երկու ծրագրերը, որոնք կհամապատասխեն ԱՐԵՆԱ ծրագրի նպատակներին, կֆինանսավորվեն: Ամառային դպրոցի այս փուլը հնարավորություններ կտա մասնակիցներին սովորել միմյանցից և աջակցել իրար, փոխանցել նոր թատերական գիտելիքներ և ավելի ամուր կապեր հաստատել համախոհ դերակատարների հետ: Տվյալ փուլի հիմնական նպատակն է օգնել մասնակիցներին ուսումնասիրել և վերլուծել տարբեր երկրներում տեղի ունեցող սոցիալական և քաղաքական զարգացումները, որպեսզի ստեղծվի հարթակ, որտեղ խաղաղասեր ակտիվիստները կմշակեն համատեղ ռազմավարություններ:

Մանրամասն տեղեկությունների համար կարող եք գրել Արմինե Զաքարյանին՝ zarmine@peacedialogue.am կամ զանգահարել + 374 (55) 820532 հեռախոսահամարով:

Կից հղումով կարելի է գտնել մասնակցության հայտի ձեւը

ԱՐԵՆԱ. Խաղաղության և Արվեստի ամառային դպրոց (Անգլերեն լեզվով, PDF, 1,34 Mb)

Летняя школа Мира и Искусства «Арена» (на русском языке, PDF, 1,34 Mb)

Ծրագրի գերմանական գործընկերն է՝ «Օվեն» հկ-ն (OWEN – Mobile Akademie für Geschlechterdemokratie und Friedensförderung e.V.)

owen

«ԱՐԵՆԱ. համայնքային թատրոն եւ հանրային արվեստ» ծրագիրն իրականացվում է Գերմանիայի դաշնության արտաքին մշակութային կապերի ինստիտուտի (ifa) “zivik” ծրագրի աջակցությամբ՝ Գերմանիայի արտաքին գործերի նախարարության միջոցներով:

02255

aus